Xəbər verdiyimiz kimi, Erik ten Haq Kriştiano Ronaldonun “Mançester Yunayted”in “Tottenhem”ə 2:0 hesabı ilə qalib gəldiyi matçın son dəqiqələrində meydanda çıxmaqdan imtina etməsinə görə komandanın məşqlərindən uzaqlaşdırıb.

“Football-plus.az” xəbər verir ki, “qırmızı şeytanlar”ın rəhbərliyi niderlandlı məşqçinin qərarını dəstəkləyib. Bu məlumatı jurnalist Fabrizio Romano yayıb. İtaliyalı həmkarımızın sözlərinə görə, “Mançester Yunayted” rəsmiləri baş məşqçinin işinə müdaxilə etmək istəməyib.

Qeyd edək ki, Ronaldo premyer-liqa təmsilçisinin heyətində 12 matçda 2 qol vurub və 1 məhsuldar ötürmə edib.