Joao Feliş “Atletiko”dan tezliklə ayrılmaq istəyir. 22 yaşlı hücumameyilli yarımmüdafiəçi son vaxtlar komandadakı mövqeyindən narazıdı.

Football-plus.az xəbər verir ki, o, “Benfika”dan 126 milyon avroya transfer olunandan sonrakı 3 il ərzində əsas heyətdə sabit çıxış etmək şansı qazana və vacib oyunçuya çevrilə bilməyib. Portuqaliyalı futbolçu madridlilərin son matçlarında ehtiyatda qalmasına çox əsəbiləşib. Bu vəziyyətdən bezən Felişin baş məşqçi Dieqo Simeone ilə münasibətləri pozulub. O, ötən cümə axşamı vəziyyətin həlli yolunu tapmaq üçün Madriddəki restoranlardan birində agenti Jorje Mendeşlə görüşüb.

Qeyd edək ki, “Atletiko” rəhbərliyi indiyədək Felişin satışının əleyhinə olub. Joaonun müqaviləsindəki təzminat qiymətinin 350 milyon avro olduğu bildirilir. Bu isə onun mövsümün ortasında iş yerini dəyişmək ehtimalını azaldır.