Pol Poqba ilə bağlı sevindirici xəbər yayılıb. Fransa millisinin oyunçusu DÇ-2022-də iştirak edə biləcək.

“Yuventus”un 29 yaşlı yarımmüdafiəçi yayda aldığı zədəyə görə əməliyyat olunmuşdu. Bu mövsüm meydana çıxmayan DÇ-2018-in qalibi noyabrın 20-də start götürəcək növbəti mundiala qədər tam sağalacaq. Onun nəhəng turnirdən əvvəl klubunun bir neçə oyununda iştirakı gözlənilir.

Yeri gəlmişkən, “Yuventus”un digər zədəli futbolçusu Anxel Di Mariyanın da son durumu məlum olub. Çempionlar Liqasının qrup mərhələsinin 4-cü turunun “Makkabi” (Hayfa) ilə matçında (0:2) xəsarət alan argentinalı yarımmüdafiəçi 3 həftə yaşıl meydanlardan uzaq qalacaq. Di Mariya bu mövsüm bütün turnirlərdə meydana çıxdığı 7 oyunda 1 qol vurub və 4 məhsuldar ötürmə edib. O, daha əvvəl də zədə aldığı üçün bir neçə həftə oynaya bilməmişdi.