Mircavadov: “Qurban Qurbanovun yetirmələri necə döyüşürsə, millimiz də o cür döyüşməlidi”
Həftəsonu 2024-cü ildə keçiriləcək Avropa çempionatınının seçmə mərhələsinin püşkü atıldı.
Yığmamız Belçika, Avstriya, İsveç və Estoniya ilə F qrupunda yer alıb. Görəsən, yığma nəyə ümid edə bilər? Bu suala cavab tapmaq üçün Məşqçilər Komitəsinin üzvü Ağasəlim Mircavadovla əlaqə saxladıq:"Çətin qrupa düşmüşük. Amma şans həmişə var. Necə deyərlər, ümid sonda ölür. Millinin son iki matçda sərgilədiyi oyun və qələbələr bizi ümidləndirib. Bu tempi saxlamaq, inanmaq və ümidli olmaq lazımdı. Söz yox, qrupun favoriti Belçikadı. Avstriya da bizə tanış rəqibdi, seçmə mərhələlərdə onlarla qarşılaşmışıq. İsveç nə qədər güclü olsa da, hazırda nəsil dəyişikliyi gedir. Estoniyanı isə üstələyəcəyimizi düşünürəm. İstənilən halda, hər bir komandaya qarşı oynamaq və yaxşı nəticə qazanmaq olar. Hazırda "Qarabağ"ın sərgilədiyi oyun və nəticələri də, düşünürəm ki, millimizi üçün ayrıca motivasiya olmalıdı. Qurban Qurbanovun yetirmələri necə döyüşürsə, millimiz də o cür döyüşməlidi. Odu ki, millinin futbolçuları ruh yüksəkliyini itirməməlidi".
ABDULLA İSMAYILOĞLU
Digər xəbərlər
