"Normal adam şəxsiyyət vəsiqəsi ilə 3 bilet alırsa, biz ona “alma” deyə bilmərik”
Cümə axşamı “Qarabağ” Avropa Liqasının 4-cü turunda “Olimpiakos”u qəbul edəcək. Ağdamlıların oyununa maraq yetərincə böyükdü.
Artıq demək olar ki, biletlərlər tam satılıb. Klub dünən rəsmi “feysbuk” hesabı vasitəsi ilə azarkeşlərinə müraciət edib:
“Qarabağ” – “Olimpiakos” oyununda qonaq komanda öz azarkeşləri üçün klubumuzdan cəmi 50 bilet istəyib. Buna görə əldə olunmuş razılığa əsasən, 26-cı sektorun biletləri də azarkeşlərimiz üçün satışa çıxarılıb. Həmin biletləri iticket.az və kassalardan ala bilərsiz. Qeyd edək ki, bilet satışı iki gündü davam edir. 29-38-ci sektorlara olan biletləri onlayn yox, yalnız kassalardan ala bilərsiz”.
Görəsən, biletlərin hamısını azarkeşlər alıb? “Qara bazar” işə müdaxilə etməyib ki? Təbii ki, ağdamlıların “Olimpiakos” üzərindəki qələbəsi komandaya marağı daha da artırdı. Bir çoxları bu oyunda stadionda olmaq istəyir. Ümid edirik ki, biletlərin hamısı azarkeşlərə satılıb. Bəs klub bu haqda nə düşünür? Sualımızı “Qarabağ”ın mətbuat katibi Gündüz Abbaszadəyə ünvanladıq:
“Hamısı normal qaydada azarkeşlərimiz tərəfindən alınıb. Bu sualla detallı “iticket.az” rəsmiləri daha aydın cavab verə bilər. Çünki sistemi onlar bilir. Amma biz düşünmürük ki, burda hansısa problem var. Normal adam şəxsiyyət vəsiqəsi ilə 3 bilet alırsa, biz ona “alma” deyə bilmərik”.
İLKİN SULTANLI
Digər xəbərlər
