"Reaksiyamız normaldı" - Samir Abbasov
Azərbaycan premyer-liqasında 9-cu turun "Səbail" - "Sumqayıt" (1:0) matçından sonra qonaqların baş məşqçisi Samir Abasov fikirlərini bildirib.
"Footbal-plus.az" xəbər verir ki, o, oyunu belə şərh edib:"Belə bir gedişatı gözləyirdik. Hər şey ideal gedəcək deyə, zəmanət yox idi. Reaksiyamız normaldı. Hara gəldiyimizi bilirik. 5-6 nəfər oyunu tuta bilsə, yaxşı bir şey edə biləcəyik. Buna inanır və ümid edirəm. Ötən matça baxanda oyunumuzda bir az da gərginlik var idi. Həvəslə oynayan, qalib gəlmək istəyən komanda gördüm. Ustalıq çatışmır. Planlarımız barədə rəhbərliklə danışmışıq. Ən yaxşı çıxış yolunu tapmağa çalışacağıq. Bu durum heç birimizi qane etmir. Bunu düzəltmək üçün buradayıq. Belə vəziyyətlə üzləşə biləcəyimizi gözləyirdik. Futbolçular indiyə qədər fərqli tələblər altında oynayıblar, indi başqa. Bunlar uyğunlaşmaq lazımdı. Xüsusən də, keyfiyyət yüksək olmayanda çətin olur".
Digər xəbərlər
