"Qələbənin yaxşısı, pisi olmur" - Samir Abasov
Premyer-liqanın 23-cü turunda "Neftçi" "Sabah"ı məğlub edib - 1:0.
Görüşdən sonra flaqmanın baş məşqçisi Samir Abasov jurnalistlərin önünə çıxıb.
Təcrübəli mütəxəssis qələbəni belə şərh edib:
"Bizim üçün hər oyun çox vacibdi. Rəqibin gücünü əksiltməyək. İkinci hissədəki gedişatı gözləyirdik. "Qəbələ" xal itirmişdi deyə, rəqibin oyuna çox ciddi yanaşacağını bilirdik. Gərgin oyun alındı. Qələbənin yaxşısı, pisi olmur. 3 xal münasibətilə futbolçularımı təbrik edirəm. Əgər müdafiədə oynamaq lazımdırsa, belə oynamalısan, canını qoymalısan. Düşünürəm ki, komandamız yetərincə yaxşı oynadı. Oyundan əvvəl ciddi itkilərimiz var idi, iki müdafiəçimiz yox idi. Layiqli qələbə qazandıq. Yolumuza davam edəcəyik, kubok oyununa hazırlaşacağıq".
Digər xəbərlər
