"Mən 1993-cü ildən qışqırıram ki, Azərbaycan millisinin “sükanı arxasında” yerli məşqçilər olmalıdı. Hətta "Xəzər Lənkəran"ı çalışdıranda AFFA-ya təklif göndərdim ki, millidə əcnəbi baş məşqçi olacaqsa, heç olmasa, onun iki əsas köməkçisi azərbaycanlı olsun. Çünki əcnəbi gec-tez çıxıb gedəcək. Belə olan halda onunla birlikdə çalışan, təcrübəsini mənimsəyən məşqçilərimiz yığmanın “sükanı arxasında” olmalıdı. İki gün əvvəl də milliyə yerli məşqçinin rəhbərlik etməsinin zəruriliyini vurğuladım. AFFA İcraiyyə Komitəsi fərqli qərar veribsə, daha nə edək? Duraq onlar və hökumətlə savaşaq?! Ən azı ona nail olduq ki, iki yerli köməkçi təklifimizi müsbət qarşıladılar. Yəni Arif Əsədovla yanaşı, millidə daha bir yerli mütəxəssisin yer alacağına söz verdilər".