"AFFA İcraiyyə Komitəsi yığmanın oyunlarını, nəticələrini dərindən təhlil edəndən sonra qərarlar verir. Bu dəfə də istisna olmayıb. İtaliyalının rəhbərliyi altında millimiz son 3 oyunda qələbə qazanaraq qrup ikincisi oldu. Bununla da Avropa çempionatına vəsiqə verən pley-off matçları üçün şansını saxladı. Bu sadaladıqlarımın De Byazinin vəzifəsində saxlanılmasında əsas olduğunu düşünürəm. Hesab edirəm ki, italiyalı mütəxəssisin postunda qalması düzgün qərardı. Çünki son qələbər bizə daha da irəli getməyə inam yaratdı".