"Qarabağ" azarkeşlərə müraciət edib.

Müraciətdə bildirilir ki, Avropa Liqasının qrup mərhələsində keçiriləcək “Olimpiakos” (Yunanıstan) - “Qarabağ” matçını izləmək və komandanı dəstəkləmək istəyənlər biletləri oyun günü saat 18:30-dan 19:00-dək Afina şəhərinin mərkəzində yerləşən “Marble Stadium”dan (tarixi “Panathenaic” stadionu) ala bilərlər. Biletin qiyməti 20 avrodu. Ödəniş yalnız nağd şəkildə qəbul ediləcək.

Azarkeşlərin oyundan əvvəl görüş nöqtəsi şəhər mərkəzində yerləşən “Marble” stadionunun qarşısı olacaq. Səfər komandasının azarkeşləri ilə bağlı yerli qaydalara, eləcə də təhlükəsizliyə görə, azarkeşlər matçın keçiriləcəyi "Georgios Karaiskakis" stadionuna klubu tərəfindən ayrılmış xüsusi avtobuslarla, mühafizə əməkdaşlarının müşaiəti ilə gələcəklər.