"Qarabağ" Çempionlar Liqasının 3-cü təsnifat mərhələsində "Ferentsvaroş"la səfərdə keçirəcəkləri cavab matçından öncə Macarıstandakı azarkeşlərinə müraciət edib.

"Football-plus.az" klubun sosial şəbəkə hesablarına istinadən xəbər verir ki, Ağdam təmsilçisini dəstəkləmək istəyən fanatlar bu gün saat 18.00-dan 20.00-dək "Groupama Arena"da qonaq tərəfdarlar üçün ayrılmış E sektorunun giriş qapısından bilet ala bilərlər. Biletin qiyməti 8 avrodur (2850 Macarıstan forinti).

Qeyd edək ki, bu gün "Qroupama Arena"da keçiriləcək "Ferentsvaroş" – "Qarabağ" görüşü Bakı vaxtı ilə saat 22.00-da başlayacaq. Bu komandalar arasında Bakıdakı ilk oyunda qalib müəyyənləşməyib – 1:1.