Xəbər verdiyimiz kimi ''Qalatasaray'' və Niderland yığmasının sabiq ulduzu Uesli Sneyder bu günlərdə Türkiyəyə gəlib.

O, Manisada bir tədbirdə iştirak edərək bələdiyyə sədri ilə də görüşüb. Cümədən şənbəyə keçən gecə isə Sneyder köhnə adətinə qayıdaraq əylənmək fikrinə düşdü. Sabiq ulduz İstanbulda bir gecə klubuna yollandı və bir müddət sonra orda tanış olduğu xanımla məkanı tərk edərək evinə getmək istədi. Amma bu məqamda o, paparatsilərə və fotomüxbirlərə yaxalandı. Sneyder qarşısında kameraları görüncə təşvişə düşdü və cangüdənlərinə onlara mane olmağı tapşırdı. Daha sonra məkandan birlikdə çıxdığı sarışın xanımın əlini buraxaraq cəld şəkildə maşına əyləşdi və qapını bağladı. Cangüdənlər ilə jurnalistlər arasında münaqişə yaşandı. Amma Sneyderin qorxduğu başına gəldi və onun şəkillərini çəkmək mümkün oldu.

Xatırladaq ki, Sneyderin çoxsaylı xəyanətləri üzündən keçən il həyat yoldaşı Yolante Kabau ondan boşanmışdı.