Niderland millisinin sabiq futbolçusu Uesli Sneyder futbola qayıtmağa yaxındı.

Yerli mətbuatın məlumatına görə, 37 yaşlı keçmiş yarımmüdafiəçi “Utrext”i çalışdıra bilər. Rene Hakenin tezliklə bu komandanın baş məşqçisi vəzifəsindən qovulacağı gözlənilir. İlk namizəd Mark van Bommeldi. “Utrext” rəhbərliyi onunla razılaşa bilməsə, Sneyderə təklif göndərəcək. 

Qeyd edək ki, “Ayaks”, “Real”, “İnter”, “Qalatasaray”, “Nitsa” və “Əl-Qarafa” klublarında çıxış edən Sneyder futbolçu karyerasını 2019-cu ildə başa vurub. 2003-18-ci illərdə formasını geydiyi Niderland millisində 134 oyuna 31 qol vurub.