İngiltərə yığmasının sabiq forvardı Endi Kerrol son qalmaqallı hərəkəti ilə ölkədə gündəmi zəbt edib.

"Football-plus.az" xəbər verir ki, 33 yaşlı futbolçunun 2 həftə sonra toyu olacağı gözlənilir. O, 2013-dən bu yana tanıdığı, 2 uşağının anası, realiti-şou ulduzu Billi Maklou ilə həyatını birləşdirməyə hazırlaşdığı bir məqamda xəyanət qalmaqalı ilə gündəmə gəlib.

Maklou Dubaya yollanaraq burda rəfiqələri ilə subaylığa vida partisi təşkil edib. Daha sonra Kerrol da ora yollanıb. Amma xanımını vətənə yola saldıqdan sonra Kerrol dostları ilə birlikdə əylənmək üçün daha bir neçə gün BƏƏ-də qalıb. Növbəti gün barda Teylor Ceyn adlı xanımla tanış olan Kerrol onu oteldəki öz otağına dəvət edib. Bu xanımın həmin gecə öz ''snapçat'' hesabından paylaşdığı şəkillər böyük bir qalmaqalı ortaya çıxarıb.

Teylor Ceyn həm Kerrol ilə yataqda olan şəklini, həm də hamamda üzərində futbolçunun adı olan xalatla çəkdirdiyi şəkili paylaşıb. Şəkillərin ortaya çıxmasından sonra qalmaqalın böyüdüyünü görən bu xanım vəziyyətdən bu sözlərlə çıxmağa çalışıb: ''Üstümdə xalat var idi və tamamilə zarafat məqsədi ilə çəkilmiş bir şəkil idi. Otaqda tək deyildik. Rəfiqəm də bizimlə idi. 3 nəfər sevişməyimizi düşünənlərə sadəcə gülürəm. Həmin gün heç bir şey olmadı. Çoxlu spirtli içki qəbul etdik, oynadıq və əyləncəli vaxt keçirdik''. Teylor Ceynin bu sözləri təbii ki, heç kimə inandırıcı gəlmədi. 2 həftə sonra Kerrolla ailə həyatı qurmağa hazırlaşan Billi Maklounun bu qalmaqala necə reaksiya verəcəyi maraqla gözlənilir. Qeyd edək ki, daha öncə ''Nyukasl'', ''Liverpul'', ''Vest Hem'', ''Ridinq''in şərəfini qorumuş Kerrol son mövsümün ikinci dövrəsini icarə əsasında ''Vest Bromviç''də keçirmişdi.