Sneyder ''Qalatasaray''a qayıtmaq istəyir
Yaxın keçmişin önəmli ulduzlarından olan və ''Qalatasaray''ın tarixinə damğa vurmağı bacaran Uesli Sneyder vətəni Niderlandda qatıldığı bir verilişdə diqqətçəkən açıqlamalar verib.
Football-plus.az xəbər verir ki, 2019-un avqustunda karyerasını bitirən 38 yaşlı yarımmüdafiəçi son dönəmlərdə həm futbol şərhçisi kimi çalışır, həm də baş məşqçilik kurslarına gedir. Sneyder məşqçi kimi məhz elə İstanbul nəhəngində işləmək istədiyini gizlətməyib:
''Qalatasaray''da işləmək əla olardı. Orda əla vaxtlarım keçib. Gözəl insanlara və mədəniyyətə malik olan klubdu. Bir gün ora qayıtmağı arzulayıram. Məşqçiliyə Türkiyədə başlamaq istərdim. Məni yönəticilik maraqlandırmır. Baş məşqçi olmaq, komandanı kənardan idarə etmək istəyirəm. İlk təklif mənə bir müddət öncə İrlandiyadan gəlmişdi. Düzdü onu geri çevirdim. Amma vətəndən kənardan gələn təkliflər məni daha çox maraqlandırır. Yerli futbol assosiasiyası ilə mənimki tutmur. Artıq bu qurumun qapıları mənim üçün bağlanıb. Ötən il federasiya 37 yaşımı təbrik edərkən üzərində ''47-ci doğum günün mübarək olsun'' sözü yazılmış bir açıqca göndərdilər. Təsəvvür edirsiz?''
Digər xəbərlər
