Misli premyer-liqasının 6-cı turu hakimlik baxımından mübahisələr doğurdu.

Onlar 5 oyunda ümumilikdə 30 dəfə əlini cibinə atdı. “Zirə”nin baş məşqçisi Rəşad Sadıqova sarı, “Sabah”ın çalışdırıcısı Murad Musayevə qırmızı vərəqə göstərildi. Bundan başqa, “Səbail”lə “Sabah”ın bir futbolçusu meydandan qovuldu. Turun ən kobud komandası “Sabah”dı. “Bayquşlar”ın 5 futbolçusu “Qarabağ”la matçda sarı vərəqə aldı ki, bunlardan da biri “qırmızı”ya çevrildi. Ən centlmen komandalar isə “Şamaxı”, “Qarabağ” və “Qəbələ”di. Hər üç komandanın yalnız 1 futbolçusu “sarı”ya tuş gəldi. Reportyorlarımızın qeydlərinə keçid alaq.

Qarabağ – Sabah, İNQİLAB MƏMMƏDOV
Turun maraqla gözlənilən mərkəzi qarşılaşmasında hər şey var idi. Qeydə alınmayanı da nəzərə alsaq, ümumilikdə 8 qol, qırmızı və sarı vərəqələr, penalti qərarları matça damğa vurdu. Bir sözlə, əsl Avropa səviyyəli oyun izlədik. Hakimlik isə “axsadı”, oyunun prinspiallığına uyğun idarəçilik olmadı. Məsələn, “Qarabağ”ın qazandığı ilk penalti epizodunda topun Amin Seydiyevin əlinə dəyib-dəymədiyi dəqiq görünmür. Hər halda, epizoda bizdən daha yaxın olan referinin bu qərarına hörmətlə yanaşmaq olar. Lakin ikinci penalti zamanı İnqilab Məmmədova haqq qazandıracaq heç nə yoxdu. Bəli, bu epizodda həqiqətən penalti var idi. Sədəcə, bundan öncə top “Qarabağ”ın futbolçusundan meydanı tərk etsə də, oyuna yenə “köhlən atlar” başladı. Bunu görməyən Məmmədov isə davamında Kadiyə qarşı cərimə meydançasındakı kobudluğu penalti kimi dəyərləndirdi. Qəribədi ki, baş hakimin heç bir köməkçisi, hətta VAR hakimi Əliyar Ağayev də bunu görmədi. “Sabah”ın son saniyələrdə vurduğu bərabərlik qolu da mübahisəyə açıqdı. İnqilab Məmmədov oyundankənar vəziyyət qeydə alsa da, “Sabah”ın hücumçusundan çıxan topun öncə “Qarabağ”ın futbolçusuna dəydiyi aydın görünür. Daha sonra isə qonaq komandanın oyunçusu topu qapıya göndərir.

Turan Tovuz – Kəpəz, VÜQAR HƏSƏNLİ
Baş hakim lazımsız fasilələrə maksimum imkan verməyərək açıq futbola şərait yaratdı. Oyunda penalti epizodundan başqa mübahisə doğuracaq məqam olmadı. Həmin vaxt da hakim VAR-a baxandan sonra “nöqtə”ni göstərdi.

Qəbələ - Neftçi, RƏVAN HƏMZƏZADƏ
İddialıların oyununun sürətli, qarşılıqlı hücumlar və gərgin mübarizə şəraitində keçəcəyi aydın idi. Rəvan Həmzəzadə bunu əvvəlcədən bildiyi üçün maksimum diqqətli olmaqla yanaşı, açıq futbola da şərait yaradırdı. Yersiz dayanmalara mümkün qədər yol vermədi. Meydan sahibləri 4 qol vursa da, bunlardan üçü qeydə alınmadı. Referi oyundankənar vəziyyətləri dəqiqləşdirmək üçün VAR-ın köməyinə ehtiyac duydu. Ümumiyyətlə, Həmzəzadənin oyunu yaxşı idarə etdiyini deyə bilərik.

Səbail – Zirə, RAUF ALLAHVERDİYEV
Rauf Allahverdiyev işinin öhdəsindən gələ bildi. Onun verdiyi qərarların, demək olar ki, hamısı doğru idi. "Səbail" 2-ci dəqiqədə fərqlənsə də, oyundankənar vəziyyət qeydə alındığı üçün qol sayılmadı. Ağabala Ramazanov həqiqətən də ofsaydda idi. "Səbail" 65-ci dəqiqədə daha bir qol vursa da, yenə qeydə alınmadı. Yan xətt hakimi ofsayda işarə etdi. Bu epizodda da görünür ki, ötürmə zamanı oyundankənar vəziyyətdə olan Tural Bayramlı topa müdaxilə edir. Bu qərar da doğru idi. 69-cu dəqiqədə isə Toni Qomeş "Zirə"nin görüşdə 3-cü qolunu vurdu. Bu epizodda da yan xətt hakiminin bayrağı havaya qalxdı. Belə ki, top məhsuldar ötürmə edən Rəhim Sadıxova çatarkən yarımmüdafiəçi artıq oyundankənar vəziyyətdə idi. Tural Bayramlıya göstərilən qırmızı vərəqə də haqlı idi. Yarımmüdafiəçi 65-ci dəqiqədə etiraz etdiyi, 72-ci dəqiqədə isə sərt oynadığı üçün iki "sarı"nın ardından "qırmızı" ilə cəzalandı. Düzdü, "dənizçilər" iddia edir ki, Turalı ikinci epizoda görə bağışlamaq olardı. Lakin təkrara baxan Rauf Allahverdiyevin doğru qərar verdiyi aşkar görünür.

Sumqayıt – Şamaxı, FƏRİD HACIYEV
Autsayderlərin matçı erkən qolla başlasa da, hakimlər briqadasının üzərinə, demək olar ki, ağır yük düşmədi. Oyunda yeganə şübhəli məqam 1-ci dəqiqəyə təsadüf edən qayda pozuntusu idi. Həmin an çoxlarına elə gəldi ki, Cəlal Hüseynov Vüsal İsgəndərliyə qarşı qaydalar çərçivəsində mübarizə aparıb. Ancaq epizodun təkrarına baxanda aşkar görünür ki, Cəlal mübarizə anında Vüsalın ayağını tapdalayır. Hacıyev həmin an “nöqtə”ni göstərməklə düzgün qərar qəbul etmişdi. Qalan dəqiqələrdə baş hakimin xırda metodiki səhvləri olsa da, ümumilikdə rəhbərlik etdiyi briqada oyunu yüksək səviyyədə idarə etdi.

Son xəbərlər

Fransa pley-offda, Argentina ilk qələbəsini qazandı - YENİLƏNİB

Mbappe bu 3 əfsanəni geridə qoydu

Levandovski ən yaxşı seçildi

Lukaku Belçikanın heyətinə qayıdır

Neymar ilə Danilonun aqibəti müəyyənləşdi

Sərdar Azmun azərbaycanlıdı? - ARAŞDIRMA

Ronaldo rekordlardan doymur

Valensiya DÇ tarixində bunu bacaran 4-cü futbolçu oldu

Sərdar Azmundan ''Fənərbaxça'' etirafı

Hakim Cavid Hüseynova hansı sözünə görə qırmızı vərəqə verib? - AÇIQLAMA

Mundiallar tarixində 3-cü qapıçı oldu

Milli komandanın yeni rekordçusu oldu

Fransalı oyunçu sıraya döndü

Dünya çempionatında ardıcıl 8-ci məğlubiyyət

Azarkeç DÇ-nin oyunu zamanı dünyasını dəyişdi

İdmançımız dünya oyunlarında gümüş medal qazandı

Dünya çempionatının finalında İT menecer olacaq azərbaycanlı ilə MÜSAHİBƏ

Tofiq Həbibin qohumu ilə döyüşmək istəyir

Məşqçisi Cokoviçin sirrini açdı

Oğul Rafael ata Rafaelin həyatını dəyişib

Azərbaycan çempionatının keçirilmə vaxtı açıqlandı

"Qarabağ" - "Zirə" matçının biletləri satışa çıxarılır

Prezident cinsi zorakılıqda suçlandı və istefa verdi

15-ci turun təyinatları bəlli oldu

Azərbaycan klubu dünya çempionatında oynayan futbolçunu transfer etmək istəyir

Mundialla erkən vidalaşdı

Entoni Devis klub rekordunu təkrarladı

Veteran futbolçu dünyasını dəyişdi

Ernandes əməliyyat olundu

Saniyədə 20 min paylaşım!

Bu dəfə himni oxudular, fitə basıldılar

Oveçkin 790-a çatdı

İdmançımız qızıl medal qazandı

Antonun komandasından növbəti qələbə

Ronaldoya daha bir müştəri

Niderland Ekvador matçında qollu sülh - VİDEO

“Çikaqo” “Boston”un qələbə seriyasını qırdı

Ponomaryov: “Bu mövsüm qarşımıza əsas məqsəd kimi çempionluq uğrunda mübarizəni qoyduq” - MÜSAHİBƏ

Qətər - Seneqal matçında 4 qol - VİDEO

"Kuboku qazanmaq istəyirik" - "Səbail"in futbolçusu

"Bu bizi qətiyyən qorxutmur" - Mirabdulla Abbasov

Fərid Qayıbov olimpiya idman komplekslərinin rəhbərləri ilə görüşdü

Mundiallar tarixində ilk

Cokoviç özünü hamıdan yaxşı sayır

“İnanıram ki, yığmamız həmin görüşlərdə sözünü deyəcək” - 1:8 hesabı ilə uduzan millimizin üzvü

Bütün xəbərlər