“Barselona” rəhbərliyi daha bir oyunçu ilə razılığa gəlib. Amma aparıcı futbolçulardan biri ilə anlaşmaq mümkün olmayıb.

Football-plus.az xəbər verir ki, Qavi ilə yeni müqavilə üzrə aparılan danışıqlar müsbət nəticələnib. “Marka” qəzeti tərəflərin tezliklə müqaviləni yeniləyəcəyini xəbər verib. Klub bir müddət əvvəl 18 yaşlı yarımmüdafiəçiyə 5 illik yeni təklif irəli sürmüşdü.

Serxio Buskets isə gələcək karyerası ilə bağlı fərqli qərar verib. Təcrübəli futbolçu “Barselona” ilə yollarını ayıracaq. O, klubun prezidenti Xuan Laportaya müqaviləsini yeniləməyəcəyini bildirib. Başqa sözlə, 34 yaşlı yarımmüdafiəçi mövsümün sonunda yetirməsi olduğu komandanı tərk edəcək. Maaşının növbəti dəfə azaldılmasına razılaşmayan Serxionun karyerasını MLS-də davam etdirmək istədiyi xəbər verilir.