Ötən ilin dekabrında ''Qalatasaray''dan ayrıldıqdan bu yana işsiz olan Fatih Terimlə bağlı yeni xəbər yayılıb.

Türkiyə mətbuatının yazdığına inansaq, Misir yığması ''İmperator''a ciddi maraq göstərir. Bilindiyi kimi Misir DÇ-2022-yə vəsiqə qazana bilməmişdi. Bu komanda mundialın seçmə mərhələsinin pley-offunda Seneqala məğlub olaraq Qətərə yollanmaq şansını itirmişdi. Həmin məğlubiyyətin ardından portuqaliyalı baş məşqçi Karluş Keyruş istefaya göndərildi. İndi Misir yeni dönəmə Terimlə qədəm qoymaq istəyir. Deyilənə görə artıq təklif də irəli sürülüb. Amma bu məsələ ilə bağlı hələ ki, heç bir rəsmi açıqlama yoxdu.

Xatırladaq ki, sentyabrın 15-də ''Netfliks''in Terim ilə bağlı çəkdiyi sənədli film ekranlara çıxacaq.