“Kəpəz” AFFA-ya müraciət edəcək – AÇIQLAMA
Misli premyer-liqasının 4-cü turunda baş tutan "Səbail" - "Kəpəz" matçında meydan sahibləri 4:1 hesabı ilə qələbə qazandı.
Bu oyunda qonaqların təcrübəli futbolçusu Rauf Əliyev qırmızı vərəqə ilə meydandan qovuldu. Onunla bağlı qərarı AFFA İntizam Komitəsi verəcək.
Görəsən, klub rəhbərliyi intizamsızlığa yol verən hücumçu ilə bağlı hansı addımı atacaq? “Kəpəz”in icraçı direktoru İlqar Nadiri məsələ ilə bağlı “Football-plus.az” saytına bunları söylədi:
"AFFA İntizam Komitəsinə müraciət edəcəyik. Xahiş edəcəyik ki, Rauf Əliyevə maksimum yüngül cəza verilsin. Hər bir futbolçunun karyerasında çılğınlığı, əsəblərinin gərildiyi vaxtlar olur. Ona görə futbolçuya son dərəcə ağır cəza verilməsini tərəfdarı deyiləm. Cəza olmalıdı, amma bu futbolçuya tərbiyələndirici təsir etməlidi, onu futboldan küsdürməməlidi.
Adətən bizdə hansısa futbolçunun cəzalandırılması baş məşqçinin qərarı ilə həyata keçirilir. Bizdə hazırda baş məşqçi olmadığından bu məsələ açıq qalır. Amma əmin ola bilərsiz, bu nüans diqqətimizdədi. Ona görə də bu məsələni xırdalığına kimi araşdırandan sonra Rauf Əliyevlə bağlı tədbir görüləcək".
Adətən bizdə hansısa futbolçunun cəzalandırılması baş məşqçinin qərarı ilə həyata keçirilir. Bizdə hazırda baş məşqçi olmadığından bu məsələ açıq qalır. Amma əmin ola bilərsiz, bu nüans diqqətimizdədi. Ona görə də bu məsələni xırdalığına kimi araşdırandan sonra Rauf Əliyevlə bağlı tədbir görüləcək".
ABDULLA İSMAYILOĞLU
Digər xəbərlər
