Balotelli İsveçrədə titul qazanmaq istəyir
''Adana Dəmirspor''u tərk edən və İsveçrə təmsilçisi ''Syon'' ilə ikiillik müqavilə imzalayan Mario Balotelli vətəni İtaliya mətbuatına açıqlamalar verib.
32 yaşlı ulduz futbolçunun satışı adanalılara 2 milyon 620 min avro qazandırdı. Qeyd edək ki, Balotelli ''Adana Dəmirspor''da 35 rəsmi oyunda 19 qol, 4 məhsuldar ötürməlik uğurlu performans sərgiləyərək Türkiyədə özü haqda müsbət fikir formalaşdıra bildi. Balotellini dinləyək:
''Syon'' rəsmiləri ilə ilk görüşdən sonra bu transferin baş tutacağına 98 faiz əmin idim. Düzdü, Adanadan ayrılmaq istəyirdim. Amma bunun üçün bütün tərəflərin bir-biri ilə anlaşması tələb olunurdu. Futbolçunun bir klubla müqaviləsi davam edərkən başqa kluba keçidi heç də asan proses deyil. Keçmişdə yaşadığım olaylar haqda danışmaq istəmirəm. Yalnız onu deyə bilərəm ki, bütün bunlar mənim öz səhvimdən və tanımadığım insanlardan gələn bir çox iddiadan qaynaqlanır. ''Syon''la titul qazanmaq əla olardı. İlk hədəfim budu. Çünki karyeramda son qazandığım titulun üstündən artıq uzun illər keçib''.
''Syon''un titul qazanmaq üçün yaxşı seçim olduğunu söyləmək çətindi. 1909-cu ildə qurulan bu klub son titulunu 2014/15-də ölkə kubokuna sahib çıxmaqla əldə edib.
Digər xəbərlər
