Türkiyənin "Adana Demirspor" klubunda çıxış edən Mario Balotelli yenidən İtaliyaya qayıda bilər.

"Football-plus.az" xəbər verir ki, 31 yaşlı hücumçu ilə "Spetsiya" klubu yaxından maraqlanır. İtaliya mətbuatının yazdığına görə, A Seriyası təmsilçisi təcrübəli forvard üçün "mavi şimşəklər"ə 5 milyon avro ödəməyə hazırdı.

Qeyd edək ki, Mario Balotelli "Adana Demirspor"a mövsümün əvvəlində azad agent statusu ilə keçib. İtaliyalı qolçu Super Liqa klubunun heyətində meydana çıxdığı 32 rəsmi matçda 14 qol və 6 məhsuldar ötürmə ilə yadda qalıb.