Sabah Çempionlar Liqasında pley-off mərhələsinin cavab oyunları keçiriləcək.

Təmsilçimiz "Qarabağ" səfərdə "Viktoriya" ilə qarşılaşacaq. Oyundan sonra rəqibin baş məşqçisi Mixal Bilekin mətbuat konfransı keçirilib. Mütəxəssis jurnalistlərin suallarını cavablandırıb:

- "Qarabağ"ın hansı tərəflərinə diqqət etmək lazımdı?
- "Qarabağ"ın hücum keyfiyyəti əladı. Bütün oyunçular texnikalı və sürətlidilər. Topu qapımızdan mümkün qədər uzat tutmaq üçün onlara az yer verməliyik. Onların keyfiyyətlərini bilirik. İlk oyundakı kimi oynasaq və bir az üstünə qoysaq, yaxşı nəticə əldə edə biləcəyimizə inanıram.

- Vatslav Jemelkanı hansı mövqedə oynatmağı düşünürsüz?
- Oyunumuzla bağlı iki variantımız var. Bunlardan biri 3-lü müdafiədi. Son məşqdən sonra baxacağıq. Vatslav ilk oyunda sol cinahda yaxşı çıxış etdi. Sabah da belə mövqedə oynaya bilər.

- Lukaş Heydanı necə əvəz edəcəksiz?
- Sabaha qədər vaxtım var. İki mümkün "11-liy"im var. Hər ikisi də keyfiyyətlidi. Sabah qərar verəcəm. Bütün futbolçularım hazırdılar.

- Plzendəki matç Bakıdakından fərqli olacaq?
- Oxşar oyun olacaq. "Qarabağ"ın III təsnifat mərhələsində Budapeştdəki cavab oyununu izlədik. "Ferentsvaroş" hesabı açmaq üçün cəhd etdi, ancaq sonda 1:3 hesabıyla uduzdu. "Qarabağ" da məhz bunu istəyir. Açıq oynasaq, "Qarabağ" təhlükəli olacaq. Buna imkan verməməliyik.

- Məşqçilik karyeranızın ən vacib oyununa çıxacağınızı düşünürsüz?
- Yəqin ki, belə olacaq. Məşqçi kimi Çempionlar Liqasında olmamışam. Mənimlə yanaşı, əksər oyunçularımız da burada olmayıb. Evimizdə güclüyük. İnanıram ki, uğurlu olacağıq.

- Con Moskera ilk matçda qırmızı vərəqə ala bilərdi. Futbolçularınızı aqressiv oyundan çəkindirirsiz?
- Bunları müzakirə etmişik. Lazımsız hərəkət etmişdi ilk oyunda. Uğur qazanmaq istəyiriksə, futbolçularımın intizamı 100 faiz olmalıdı.