1,5 milyard dollarlıq yaxtasını sanksiyalardan qorunmaq üçün Türkiyəyə qaçıran "Çelsi"nin sahibi Roman Abramoviç, deyəsən, qonşu ölkədə məskən salmaq istəyir.

Türkiyə mediası bu gün "Göztəpə"nin sahibinin yəhudi əsilli rusiyalı milyarderlə klubun satışı ilə bağlı danışıq aparması haqda xəbər yayıb. "CNN Turk" telekanalına inansaq, komandanın ölkə çempionatında uğursuz çıxışı üzündən istefa verən klub prezidenti Mehmet Sepil satış üçün Abramoviçdən ideal müştəri görmür.