Misli premyer-liqasının 2-ci turunun "Sumqayıt" - "Qarabağ" matçından (0:2) sonra meydan sahibi komandanın baş məşqçisi Aleksey Baqa jurnalistlərin suallarını cavablandırdı.

"Football-plus.az" xəbər verir ki, o, əvvəlcə görüşlə bağlı fikirlərini bildirdi:

- Atmosfer çox yaxşı idi. Ölkənin ən yaxşı klubu bu gün meydanda idi. Bizi də dəstəkləyənlər kifayət qədər çox idi. "Qarabağ" kimi komandalara qarşı nəticə əldə etmək üçün imkanlardan yararlanmaq lazımdı. Alınmırsa, cəzalanacaqsan.

- Sanki 70 nömrəli hücumçu - Ole Ture bundan sonra bütün oyunlarda oynasa da, qol vura bilməyəcək. Bu, mənim fikrimdi. Siz necə düşünürsüz?

- Onun zədəsi var. Oyundan sonra dəqiqləşdi. Bunun üzərində işləməliyik. Sonra qol vurub, heyətə düşməlidi.

- "Qarabağ" kimi komandadan əlavə vaxtlarda qol buraxdız. Hansı hissləri keçirdiz?

- Təəssüf hissi keçirirəm. Əlavə vaxtlarda qol buraxmaq bir qədər təəssüflüdü. Daha çox futbolçulara görə pis oldum. Meydanda öz güclərini qoydular. Texniki zonada biz də müəyyən hisslər keçiririk. Lakin daha çox oyunçulara görə məyus oldum.