"Qarabağ"ın Çempionlar Liqasının 3-cü təsnifat mərhələsində avqustun 3-ü "Ferenstvaroş"a (Macarıstan) qarşı keçirəcəyi ev oyunu biletlər bu gün saat 11.00-da satışa çıxarılıb.

Football-plus.az xəbər verir ki, qarşılaşmaya maraq olduqca böyükdü. Belə ki, elə bu gün 16 min bilet satılıb. Bu da bütün biletlərin yarısından çoxunu təşkil edir. Maraq üçün bildirək ki, qarşılaşma üçün 29 min bilet satışa çıxarılıb.

Biletlərin qiyməti müvafiq olaraq 5, 10, 20, 50 və 75 manat təşkil edir.

Satış məntəqələri:

Tofiq Bəhramov adına Respublika stadionun kassalarında (11.00-dan 20.00-dək);

Iticket.az-ın satış məntəqələri (iticket.az-da onlayn satış);

Park Bulvardakı “Qarabağ”nın Fan-Şopunda (11.00-dan 20.00-dək), eləcə də 28 mall və Gənclik mall ticarət mərkəzlərində bütün biletlər satışa çıxarılacaq (11.00-22.00).

Qeyd edək ki, "Qarabağ"la "Ferentsvaroş" arasında ilk görüş avqustun 3-də Bakıda, Tofiq Bəhramov adına Respublika stadionunda keçiriləcək. Oyun saat 20.00-da başlayacaq.