İspaniya "Barselona"sı Almaniyanın "Bavariya" klubunda çıxış edən Robert Levandovski üçün rəsmi təklif göndərib.

"Football-plus.az" xəbər verir ki, Kataloniya təmsilçisi polşalı hücumçuya görə 37 milyon avro ödəməyə hazırdı.

Münhen klubu hələlik qarşı tərəfə cavab verməyib. 34 yaşlı forvardın özü də İspaniyaya yollanmaqda maraqlıdı.

Qeyd edək ki, geridə qalan mövsümdə "Bavariya"da 46 oyun keçirən Robert Levandovski 50 qol və 7 məhsuldar ötürmə ilə yadda qalıb.