“Sabahkı oyuna rəqibin yüksək intensivliklə başlayacağını gözləyirik" - "Fehervar"ın baş məşqçisi
Macarıstanın “Fehervar” klubunun baş məşqçisi Mixael Boris Konfrans Liqasının 2-ci təsnifat mərhələsində “Qəbələ”yə qarşı keçirəcəkləri cavab oyunundan öncə mətbuat konfransında iştirak edib.
Football-plus.az xəbər verir ki, almaniyalı məşqçi qarşılaşma haqda fikirlərini səsləndirib:
“Sabahkı oyuna rəqibin yüksək intensivliklə başlayacağını gözləyirik. Amma biz də eyni sürət və aqressivliklə çıxış etməliyik. Evdə 4:1 hesabı ilə qalib gəldiyimiz matça Azərbaycan komandasının yüksək təzyiqlə başlamasını gözləmirdik. Rəqib bizim arxadan oyun qurmağımıza imkan vermirdi. “Qəbələ”nin fiziki cəhətdən hazırlıqlı oyunçuları var, ona görə də biz aqressivliyimizi qorumalıyıq. İlk oyundan əvvəl şansların bərabər olduğunu demişdim. İndi bir qədər çox olduğunu deməliyəm. Amma hər şeyi nəzərə almalı və matça ciddi yanaşmalıyıq. Bu, yoldaşlıq oyunu deyil”.
Digər xəbərlər
