"Çempionlar Liqasında zəif məşqçi yoxdu" - "Lex"in baş məşqçisi
"Lex"inin baş məşqçisi Con van den Brom evdə "Qarabağ"a qarşı keçirəcəkləri Çempionlar Liqasının 1-ci təsnifat mərhələsinin ilk oyunundan öncə mətbuat konfransında iştirak edib.
"Football-plus.az" xəbər verir ki, niderlandlı mütəxəssis matça ciddi hazırlaşdıqlarını bildirib:
"Çempionlar Liqasında zəif rəqib yoxdu. "Qarabağ"a hörmətlə yanaşmalıyıq. Həqiqətən çox yaxşı komandadı. Ötən mövsüm Konfrans Liqasında etdiklərini görmüşük. Eləcə də rəqib bizə hörmət etməlidi. Bütün futbolçular yaxşı formadadılar. Azərbaycan çempionuna qarşı 2 oyun keçirəcəyik. Təbii ki, asan olmayacaq".
56 yaşlı baş məşqçi iki komanda arasında bəzi oxşarlıqların olduğunu söyləyib:
"Onlar da bizim kimi öz ölkələrinin çempionudu. Yeganə fərq rəqibin baş məşqçisinin uzun müddətdi komandaya rəhbərlik etməsidi. "Qarabağ"ın zəif və güclü tərəflərini bilirik. Ona görə də qarşıdakı matça müxtəlif aspektlərdə hazırlaşırıq. Açıq futbol oynasaq, rəqib bizə problem yarada bilər. Odu ki, balansı qorumalıyıq".
Qeyd edək ki, iyulun 5-də Poznandakı eyniadlı arenada oynanılacaq "Lex" - "Qarabağ" matçı Bakı vaxtı ilə saat 22.00-da başlayacaq. Cavab qarşılaşması 1 həftə sonra Bakıda keçiriləcək.
Digər xəbərlər
