"Sürix"də daha bir itki: "Qarabağ"la oyunda meydana çıxmayacaq
Çempionlar Liqasının 2-ci təsnifat mərhələsində "Qarabağ"la qarşılaşmalı olan "Sürix" daha bir itki ilə üzləşib.
Football-plus.az xəbər verir ki, müdafiəçi Beçir Omeraqiç bugünkü matçı buraxacaq.
Buna səbəb 20 yaşlı mərkəz müdafiəçisinin hələ də zədəsini tam sağaltmamasıdı. İsveçrə millisinin üzvü Bakıya gətirilməmişdi.
Onunla yanaşı, yarımmüdafiəçi Blerim Dzemaylinin də zədə ucbatından bu gün meydana çıxmaması gözlənilir.
Qeyd edək ki, “Sürix” – “Qarabağ” oyunu Bakı vaxtı ilə saat 21.00-da başlayacaq.
Digər xəbərlər
