"Zirə"dən qeyri-adi qərar

Konfrans Liqasının 2-ci təsnifat mərhələsində “Zirə” “Makkabi” (Təl-Əviv) ilə qarşılaşacaq.

Football-plus.az xəbər verir ki, paytaxt təmsilçisi oyunla bağlı maraqlı qərar verib. Bildiyimiz kimi, görüş iyulun 21-i, saat 20.00-da “Dalğa Arena”da keçiriləcək. Lakin “Zirə”nin oyunöncəsi son məşqçi və baş məşqçi Rəşad Sadıqovun mətbuat konfransı fərqli məkanda baş tutacaq. Tədbirlər Bakı Olimpiya stadionunda keçiriləcək. Rəşad Sadıqovun mətbuat konfransı saat 17.30-da başlayacaq. Media üçün məşq prosesi isə saat 18.00-da start götürəcək.

Həmin gün “Dalğa Arena”da, saat 18.45-də "Makkabi Təl-Əviv"in baş məşqçisi Vladimir İviçin mətbuat konfransı, 19.30-da isə media üçün açıq məşq (ilk 15 dəqiqəsi) keçiriləcək.