Klub rəsmisi "Kəpəz"in ev oyunlarını harda keçirəcəyini açıqladı - AÇIQLAMA
İyulun 15-də Azərbaycan premyer-liqasının 2022/23 mövsümünün püşkü atıldı.
Mərasimdə PFL-in prezidenti Ramin Musayev Gəncə stadionunun hazırkı durumundan bəhs etdi. O, arenadakı problemlərin çempionat başlayana kimi həll olunacağını bildirdi:"Bir ay öncə nümayəndəmiz orda olub. Çatışmazlıq rəhbərliyə deyilib. AFFA rəhbərliyi də bilir ki, çatışmazlıqlar var. Amma söz veriblər ki, çempionat başalyana qədər bərpa olunmalıdı. Çatdıra bilməsələr, tələb etməliyik ki, həmin stadionda oyun keçirilməsin. Yəqin ki, ya "Dalğa Arena"ya gələrlər, ya hara gedərlər, bilmirəm".
Görəsən, klub Musayevin fikirləri ilə razıdı? "Kəpəz" ev oyunlarını harda qəbul edəcək? Çempionatın ilk turunda "göy-ağlar" "Zirə"ni qəbul edəcək. Bu görüş Gəncədə baş tutacaq?
Suallarımızı klubun icraçı direktoru İlqar Nadiriyə ünvanladıq:
"Haazırda oyunlarımızın Gəncədə keçirilməsi üçün işlər gedir. Paltardəyişmə otaqları yenilənir. Ən vacib məsələ ot örtüyüdü. Onun da vəziyyəti yaxşıdı. Çatışmazlıqlar var və çalışacağıq bu problemləri aradan qaldıraq, minimum tələbləri yerinə yetirək. Azarkeşlər, bizim üçün çox vacibdi ki, ev oyunlarımızı Gəncədə keçirək. Bunun üçün bizim tərəfdən nə lazımdısa, etməyə çalışırıq".
İLKİN SULTANLI
Digər xəbərlər
