Həmişə özünəməxsus açıqlamalarla yadda qalan Elçin Məmmədov “Football-plus.az” saytına Hakimlər Komitəsinin yeni sədri ilə bağlı açıqlama verdi.
Elçin Məmmədov: "1992-ci ildən Hakimlər Komitəsinə yerli-əcnəbi - bir çox şəxs təyin olunub, yola salınıb. Hər gələn də öz tələblərini, şərtlərini irəli sürüb. Barış Şimşək mövcud olan sistem, şərait üzərindən təcrübəsini ortaya qoyacaqsa, uğur əldə edəcəyik. Yox, öz şərtlərini irəli sürüb hər şeyin yenidən qurulmasını istəyəcəksə, vəziyyət çətin olacaq. Çoxları deyir ki, Barış Şimşək sırf VAR mütəxəssisi olduğu üçün irəli çəkilib. Mən bu yanaşmaya inanmıram. Çünki VAR seminarlarında, kurslarında yaxından iştirak edərək yeni sistemi mənimsəyən referilərimiz az deyil. Yəni sırf VAR-a görə yerli hakimlərimizi də təyin etmək olardı. Ümumi götürəndə türkiyəli mütəxəssisin Hakimlər Komitəsinə sədr təyin edilməsini normal qarşılayıram. Amma öz arbitrlərimizə şans verilsə, daha yaxşı olardı. İnanaq ki, Barış Şimşəyin vəzifəyə gətirilməsiylə Azərbaycan hakimliyi və futbolu inkişaf edəcək".
ABDULLA İSMAYILOĞLU