Premyer-liqada iddialılardan olan “Sabah”ın əvəzedici komandasını ləğv etməsi barədə məlumatımız var.

Bundan sonra isə daha iki klubun ikinci komandasının fəaliyyətini dayandıracağı ilə bağlı redaksiyamıza məlumat daxil oldu. Bu klublar isə Konfrans Liqasındakı təmsilçilərimizdən “Qəbələ” və yeni mövsüm üçün iddialı heyət quran “Səbail”di. İnformasiyanı dəqiqləşdirmək üçün hər iki klubun mətbuat katibləri ilə əlaqə saxlamışdıq. Məlum oldu ki, komandaların heç biri əvəzedici heyətini ləğv etmir. Hər iki klubun 2-ci komandası növbəti “futbol ili”ndə də 1-ci divizionda çıxış edəcək.

“Səbail”in mətbuat katibi Sənəm Fərhadlı əvəzedici komandaya tezliklə yeni baş məşqçinin gələcəyini söyləmişdi. Etibarlı mənbədən əldə etdiyimiz məlumata görə, komandanı növbəti mövsümdən etibarən Asif Mirili çalışdıracaq. O, son olaraq “dənizçilər”in U-14 komandasında işləyib.

ŞAİR ABDULLA