“Bizə qarşı iki fərqli münasibət var idi. “Lex” azarkeşlərinin qısqanc yanaşmasını da gördük. Eyni zamanda, sevgi mesajlarını bizə çatdırırdılar. Futbolçularımıza öz hörmətlərini də nümayiş etdirirdilər. Məsələn, azarkeşlərin Toral Bayramov, Musa Qurbanlı, Kevin Medina və Marko Yankoviçin şəklini çıxarması, onlardan forma istəməsi diqqətdən yayınmadı. Bundan əlavə, başımıza maraqlı hadisə gəldi. Bizim ləvazimatların olduğu böyük qutular var. Onların hamısının üzərində “Qarabağ”ın loqosu yer alıb. İnzibatçılarımız həmin qutuları götürəndə görüblər ki, loqonun üstünə “Lex”in emblemini yapışdırıblar. Bunu da oteldə olan Poznan klubunun azarkeşləri etmişdirlər. Biz buna etirazımızı bildirdik. Sonradan düşündük ki, belə şeylər futbola maraq qatır. Səhərə yaxın, saat 5-də bir qrup “Lex” azarkeşi otelin önündə səs-küy saldı. Başımıza belə maraqlı hadisələr gəldi”.