İspaniya basketbolunun nəhənglərindən “Real”da baş məşqçi vəzifəsi ətrafında maraqlı vəziyyət yaranıb.

"Football-plus.az" xəbər verir ki, klub rəsmi saytı vasitəsi ilə Pablo Lasonun bu vəzifədən azad olunduğunu elan edib. Bu qərarın istisnasız tibbi mülahizələrə görə verildiyi bildirilir. Rəhbərlik iyunun əvvəlində ürəktutması keçirən 54 yaşlı mütəxəssisin tam sağalmasını, Çus Mateonun onun səlahiyyətlərini yerinə yetirməsini istəyir. İspaniya çempionu ilə hələ birillik müqaviləsi olan Laso bu müddətdə maaşını da tam həcmdə alacaq. Klub hətta Lasoya bir ildən sonra fəaliyyətini davam etdirə biləcəyi ilə bağlı təminat da verir. Amma o bu qərarla heç cür razılaşmır: “Müalicə həkimlərindən istənilən basketbol komandanı peşəkar səviyyədə çalışdıra biləcəyimlə bağlı təsdiq cavabı almışam”.