Basketbol üzrə Avroliqanın mətbuat xidməti “Jalgiris”in 38 yaşlı forvardı Paulyus Yankunasın karyerasını bitirdiyi haqda məlumat yayıb.

"Football-plus.az"xəbər verir ki, karyerasının böyük hissəsini Vilnüs klubunda keçirən Yankunas yalnız 2009/10 mövsümündə “Ximki”nin şərəfini qoruyub. O, Avroliqanın oyun (392) və ribaund (2010) sayına görə rekordçusudu.

Paulyus Litva yığmasının heyətində Avrobasket-2007 və DÇ-2010-un bürünc, AÇ-2015-in gümüş medallarını qazanıb. “Jalgiris”lə 15 dəfə Litva çempionu olub.

Bu arada “Real”ın baş məşqçisi Pablo Laso infarktdan sonra əməliyyat olunub. 54 yaşlı mütəxəssisin ürəyində kateterizasiya həyata keçirilib. Hazırda onun vəziyyəti sabitdi. Laso Madrid klinikalarının birindəki intensiv terapiya bölməsində hələ bir neçə gün də qalmalıdı.

Komanda 2011-ci ildən “sükan arxasında” olan mütəxəssisin rəhbərliyi altında 2 dəfə Avroliqanın qalibi, 5 dəfə İspaniya çempionu olub.