Çempionlar Liqasının 1-ci təsnifat mərhələsində Polşada “Lex”in qonağı olan “Qarabağ” minimal hesabla məğlub oldu.

Qurban Qurbanovun çalışdırdığı komandanın Poznanda sərgilədiyi oyun barədə sosial şəbəkələrdə müxtəlif paylaşımlara rast gəlmək mümkündü. Fikir bildirənlərin bəziləri, uduzmasına baxmayaraq, ağdamlıların çıxışından razı qalıb, kimi də “köhlən atlar”ın hələ formada olmadığını qabardıb, ayrı-ayrı futbolçuları tənqid edib. Fikir bölüşənlərin bir qismi “Qarabağ”ın “Lex” səddini keçəcəyini düşünürsə, Qurbanovun çalışdırdığı komandanın mübarizədən kənarda qalacağını iddia edənlər də var. Tanınmış simaların sosial şəbəkələrdə paylaşdığı statuslardan bəzilərini diqqətinizə çatdırırıq.

Sənan Şəfizadə (ATV-nin əməkdaşı): “Qarabağ" həmişə ilk oyunlarda həyəcanlı anlar yaşadır. Çünki komanda oyundan-oyuna güclənir, “artırır”. Şəxsi fikrimdi, ilk hissədə, daha doğrusu, 35 dəqiqə ərzində meydanda ən yaxşı idi. Amma nə fayda. Futbolda qol vurmadınsa, üstünlüyün yox kimidi. Baxımlı oyundansa, sərfəli nəticəni seçirəm. İnanın. Həm "Qarabağ", həm də azarkeşlərimiz Polşadakı oyunun əvəzini çıxmağa qadirdi. İnam uğurun yarısıdı”.

Rəşad Ergün (komanda.az saytının baş redaktoru): “Qarabağ", adətən, səfərdə belə uduzduğu oyunlardan sonra Bakıdakı cavab matçlarında mərhələni keçməkdə çətinlik çəkir. Üstəlik komandanın son illərdə avrokuboklarda start problemi yaranıb. "Qarabağ" elə komandalardandı ki, oynadıqca “artırır”, özünə gəlir. "Lex"? Zəif rəqib deyil. Baş məşqçisinin başı yaxşı işləsə, Bakıdakı cavab oyununda 1:0-lıq hesabı qoruya biləcək səviyyədə komandadı. Amma "Qarabağ" oynasa, rəngarəng hücumlar qursa, epizodları sağa-sola xərcləməsə, "Lex"ın baş məşqçisinin iki başı da olsa, yetməz”.

Sənan Abdullayev (Xəzər TV-nin İdman Departamentinin rəhbəri): “21-ci əsrdə, dünyanın süni intellekti futbola tətbiq etdiyi bir vaxtda Azərbaycanda futbolçuların ayağının altında qurban kəsilir. O dərddən, gözdən uzaq olmağa çalışıb keçirsən "Qarabağ"ın Polşa çempionunu udmaması dərdinə. Elə bil yarğanı şüvüllə tullanıb keçdin... “Baş məşqçi Qurban Qurbanov bizə daim nizam-intizamın və komanda oyununun vacib olduğunu deyir. Heyətdə ulduzlarımız yoxdu, çünki Qurbanov heç kimə problem yaratmaq istəmir'' - bunu ''Lex''lə oyundan öncə Marko Veşoviç demişdi. Meydanda Patrik Andradenin 70 faizi olacaq biri belə yox idi. Ciddi problem idi, amma Andradenin istədiyi veriləcəyi təqdirdə heyətdəki başqalarının rəqəmlə ulduza çevriləcək bu adam səbəbindən komanda oyununu pozmayacağına kim təminat verə bilər? Bəli, Andrade saxlanılmalı idi. Bəli, Maksim Medvedev sevgisinə bir az sərtlik qatılmalıdı. Amma Qurbanov dünənki kimi ancaq Polşa çempionu ilə düşdüyü zaman gərginləşməməlidi. Onun komandası Almeyda, Şeydayev, Vaci ilə rahat çempion ola bilmədiyi zaman gərginləşməlidi ki, elə həmin rəhbərliyin də görməli olduğunu görsün. Polşa çempionunu udmağı niyə tələb edirik? "Qarabağ" bizi buna öyrəşdirdiyi üçün. Bakıda udacağımıza qətiyyən şübhə etmirəm”.

Ceyhun Əliyev (sport24.az saytının baş redaktoru): “Ehtiyatda qalan Almeyda milliyə niyə dəvət aldı? Yazuz da, yazuz ki, Almeyda start heyətindədi... Yooo, yazmayuz”.

İbrahim Cəfərov (futbolxəbər.az saytının baş redaktoru): "Qarabağ"ı son illər məndən çox tənqid edən olmayıb. Amma sizə elə gəlmir ki, məğlubiyyəti çox şişirdirsiz? Bəli, "Qarabağ" öyrəşdiyimiz kimi oynamadı, çünki mövsümün əvvəlidi, Ağdam klubu ilk mərhələlərdə həmişə çətinlik çəkir. Bəli, Andradenin yeri görünürdü. Amma Qurban Qurbanov düz edib onunla yeni müqavilə imzalanmasına “OK” vermədi. Əminəm ki, Qurbanov rəhbərliyə desəydi, Patrikin istədiyi pul veriləcəkdi. Amma sabah eyni tələblə Zubir, birisigün Kadi, o biri gün də Medina çıxış edəcəkdi. Məncə, tələsirsiz, heç olmasa, cavab oyununun qaldığını nəzərə alıb, tənqidin barıtını ona uyğun edin”.

Vüsal Qəmbərov (müstəqil idman yazarı): “Qarabağ"ı ilk gündən izləyən adam kimi deyim: bu, mövsümün ilk oyunundakı ən yaxşı "Qarabağ"lardan bir idi. Təbii ki, "Lex" ciddi rəqib olduğu üçün daha ciddi yanaşdılar. Oyunda da qeyri-adi bir şey olmadı. Həmişəki "Qarabağ" idi. 0:0, alınsa bir qol vurub, ikinci oyuna rahat çıxmaq üçün oynamağa getmişdi. Amma qabağındakı da "Sutyeska", ya da "Saburtalo" deyil. Hər şey normal idi, bircə qol "Qarabağ"vari deyildi. İshakı gözdən qoymaq Medinanın səviyyəsinə yaraşmadı. Yəni 0:0-lıq oyun idi. Həmin o 1 qolu da Kadi vurmalıydı, uzaqdan, amma dünən alınmadı. Bircə anlam verə bilmədiyim şey Toralın yerinə Elvinin oynaması oldu. Qalan hər şey qaydasındadı. "Lex"in bəxti əlahiddə gətirməsə, "Qarabağ" keçəcək, inşallah”.

RƏŞAD hazırladı


Son xəbərlər

Braziliya Xorvatiyanın rəqibi oldu - YENİLƏNİB

"Sabah"ın futbolçusu karyerasını Türkiyədə davam etdirəcək? - Meneceri açıqladı

Alisson üçün ilk

Xorvatiyanın qeyri-adi seriyası davam edir

"O, sualı verdiyim anda üzümə zərbə endirdi" - Sebalyosla Kamran arasında niyə dava düşüb?

Azərbaycan çempionatının qarışıq komanda yarışlarına yekun vuruldu

Xorvatiya 1/4 finala belə yüksəldi - VİDEO

"Ştutqart"da yeni baş məşqçi

"Neftçi-2"dən minimalhesablı qələbə - VİDEO

DÇ-2022-də ilk

Perişiç 2-ci pilləyə yüksəldi

Lökbatanda 3 qol - VİDEO

FİFA Serbiyaya qarşı iş açıb

"Qarabağ"la oyunda son illərin ən zəif və aciz "Neftçi"sini izlədik"

"Araz Naxçıvan"dan səfər qələbəsi - VİDEO

İspaniya millisində ayrılıq

"Advokat" beynəlxalq turnirdə iştirak edəcək

Portuqaliyalılar Ronaldonu istəmirlər

Mahmud Qurbanovdan odlu-alovlu açıqlamalar: "Bizim komandanı "sındırırlar"

"Zaqatala" son dəqiqə qolu ilə büdrədi - VİDEO

Yuri Tielemans İspaniya nəhənginin hədəfində

"Azərreyl" oyunları ölkə xaricində keçirəcək

"Qaradağ Lökbatan" və "Araz Naxçıvan"dan qələbə

"Real"ın sabiq yarımmüdafiəçisi ilə Azərbaycan klubu maraqlanır

İspaniya mətbuatı Ronaldonun yeni klubun adını açıqladı

Lebron Ceymsdən Devisə tərif

Voleybolçumuz Macarıstanda ən yaxşı seçildi

Qapko Avropa nəhənglərinin hədəfində

Azərbaycan derbisinə fərqli baxış

İdman hüquqşünası: "Qarabağ"ın azarkeşlərinin məsuliyyətə cəlb olunması əsassızdı"

"Kimsə Ronaldonun yanında öskürdü deyə penalti təyin etdilər"

FIFA DÇ-2026 üçün variant düşünür

Xəzər dənizində avarçəkmə üzrə ilk test yürüşləri keçirildi

"Sumqayıt"ın 197 günlük həsrəti başa çatdı

"Neftçi" ilə oyun Zubir üçün əlamətdar olub

Ayaz Quliyevlə bağlı "Neftçi"ni sevindirəcək XƏBƏR

"Mbappe ilə oynamaq ləzzətlidi" - Jiru

Rapid yarışının qalibləri məlum oldu

Rahid Əmirquliyev adını "Səbail"in tarixinə yazdırdı

3 matça təcili tibbi yardım gecikdi, klublar cəzalandı

Ölkə kubokunun sahibləri müəyyənləşib

"Neftçi" - "Qarabağ" matçı bu göstəriciyə görə mövsümdə ikinci oldu

Bütün xəbərlər