“Neftçi”nin yeni baş məşqçisi Laurentsiu Regekampf növbəti dəfə ailə həyatı qurmağa hazırlaşır.

“Football-plus.az” xəbər verir ki, 47 yaşlı mütəxəssis bu barədə Rumıniya mətbuatına açıqlama verib. O,

Anamariya Prodanla boşanma prosesinin davam etdiyini, bu məsələ həllini tapan kimi, 29 yaşlı sevgilisi Korina Kasiusla ailə həyatı quracağını bildirib.

Qeyd edək ki, cütlüyün Liam adında bu yaxınlarda dünyaya gələn oğlu var.

Məlumat üçün bildirək ki, Regekampfın ümumilikdə üç fərqli qadından (Mariana, Anamaria Prodan, Korina Kasius) 3 oğlu var.

“Neftçi” bir neçə gün əvvəl Laurentsiu Regekampfla 2 illik müqavilə imzalayıb.