Sadio Manedən sonra “Liverpul”u daha bir futbolçu tərk edir.

Takumi Minamino klubdan ayrılmaq üzrədi.

“The Athletic” qəzetinin məlumatına görə, 27 yaşlı yarımmüdafiəçi “Monako”ya keçir. Fransa klubu həm yaponiyalı oyunçu, həm də “Liverpul”la razılığa gəlib. “Monako” Takumi üçün bonuslar da daxil olmaqla 18 milyon avro xərcə düşəcək.

Qeyd edək ki, Minamino mersisaydlılara 2020-ci ilin yanvarında “Zaltsburq”dan transfer olunub. O, “Liverpul”da ümumilikdə 55 oyun keçirib və 14 qol vurub.