“Liverpul” 19 yaşlı futbolçu ilə anlaşdı

Bir neçə ay əvvəl yayılan xəbər rəsmi təsdiqini tapmaq üzrədi.

“Liverpul” heyətinə yeni oyunçu cəlb edəcək. “Liverpool Echo” qəzetinin məlumatına görə, “Fulhem”in yarımmüdafiəçisi Fabio Karvalyo karyerasını “qırmızılar”ın sıralarında davam etdirəcək. “Liverpul” artıq 19 yaşlı portuqaliyalı futbolçu ilə şəxsi müqaviləsi üzrə anlaşıb. “Liverpool Echo” bu keçidin mersisaydlılara 7 milyon funt sterlinqə başa gələcəyini qeyd edib.

Yeniyetmə futbolçu “Fulhem”in yetirməsidi. Karvalyo bu mövsüm İngiltərə çempionatının 2-ci divizionunda iştirak etdiyi 36 oyunda 10 qol vurub.