“Transfer işlərinə başlamışıq. Bir neçə oyunçu gətirmişik. Bununla belə, müqavilə müddəti bitən, bizə lazım olmayan və ya limitə görə bəzi futbolçular komandadan ayrılıb. Ötən mövsüm elə futbolçular var idi ki, bu il çempionat üçün yaşlı sayılır. Biz də planımızı buna görə qururuq. Növbəti mövsüm çempion olmaq istəyirik. Ən pis halda ilk “3-lük”də olmalıyıq. Sağ olsun rəhbərlik, bu istiqamətdə bizə dəstək verir. Şəraiti yaxılaşdırıblar. İndidən premyer-liqa üçün hazırlıq görürük. Premyer-liqadan düşən komandanın yerinə və ya ola bilsin, komanda sayı artırılsın, o zaman çıxış etməyə hazırıq. Bu il “Turan Tovuz”la “Kəpəz”in də elitaya qatılmasından sonra gördük ki, bölgə komandalarına da üstünlük verilir. Bazada və uşaq futbolunda işlər bu ildən etibarən sistemli şəkildə görüləcək”.