Bu səbəbdən premyer-liqada fasilə yaranıb.
Görəsən, klublar bu müddətdən necə yararlanacaq?
Mehriban Mürsəlova (Səbail):
"Proqram olduğu kimidi. Yəni məşqlərə davam edirik. Bir yoldaşlıq oyunu gözlənilir. Amma hələ dəqiqləşmədiyinə görə ətraflı məlumat verə bilmirəm".
Elnur Həmidov (Sabah):
"Futbolçulara son matçdan sonra 3 günlük istirahət verilib. Çərşənbə günü komanda yenidən məşqlərə başlayacaq. Yoxlama oyununun keçirilib-keçirilməyəcəyi hələ ki bəlli deyil".
Anar Hacıyev (Qəbələ):
"Komanda sabahdan məşqə başlayacaq. Martın 27-də, 17.00 "Zirə" ilə yoxlama oyunu oynayacağıq".
Rüstəm Allahverdiyev (Neftçi):
"Komanda hazırda istirahətdədi. Martın 23-də məşqlərimiz başlayacaq".
Rəşad Məmmədov (Sumqayıt):
"Sabahdan məşqlər "Kapital Bank Arena"da başlayacaq. Yoxlama oyunları ilə bağlı hələ ki məlumat yoxdu. Böyük ehtimalla olmayacaq. Dəyişiklik olsa, məlumat veriləcək".
Elmar Abdullazadə ( Zirə):
"Komanda sabahdan məşqlərə başlayacaq. Martın 27-də, saat 17.00-da "Qəbələ" ilə yoldaşlıq oyunu nəzərdə tutulub".
Səbuhi Məmmədov (Keşlə):
"Komanda martın 22-də bir araya gələcək. "ASK Arena"da məşq edəcək. Yoldaşlıq oyunları barədə hələ dəqiq məlumat yoxdu".
Gündüz Abbaszadə (Qarabağ):
"Hazırda futbolçular istirahətdədi. Martın 23-də komanda yığışacaq. 25-də ikitərəfli oyun olacaq. Başqa yoldaşlıq oyunu nəzərdə tutulmayıb. Kifayət qədər futbolçumuz milliyə dəvət alıb. 9 nəfər əsas milliyə, 7 nəfər U-21-ə, 3 nəfər isə öz ölkələrinin yığmasına gedib. Futbolçu sayı azdı. Ona görə də "Qarabağ-2"nin futbolçuları qoşulacaq məşqlərə. İkitərəfli oyun olacaq".
GÜNAY VƏLİYEVA
