"Neftçi" tanınmış klub olsa da, bizdən üstün deyil" - Kiprli məşqçi
Cənubi kiprli futbol mütəxəssisi Andreas Muskallis ölkəsinin mətbuatına açıqlama verib.
Bir neçə klubu çalışdırmış 72 yaşlı məşqçi Konfrans Liqasının 2-ci təsnifat mərhələsində “Neftçi”nin rəqibi olan “Aris”in də şanslarını dəyərləndirib. Muskallis Cənubi komandalarından Avropa arenasında uğurlu çıxış gözlədiyini söyləyib:
“Klublarımız avrokuboklarda rəqibləri ilə eyni şəraitdədi. Onların hamısının zəngin heyətləri və yüksək büdcələri var. Heç bir rəqibdən qorxmamalıyıq. Onların hamısını ciddi qəbul edirik, pozitiv düşüncə və özümüzə inamla yanaşırıq. Avrokuboklarda iştirak edən klublarımız lazımi səviyyədə hazırlaşmalıdı. Avropada komandalar arasında böyük fərq olmur. Xüsusən bu ilk mərhələlərdə. “Midtyulland”, “Botev” və “Neftçi” tanınmış komandalar olsa da, bizdən güclü deyillər. Hiss edirəm ki, klublarımız böyük uğurlara yaxındı”.
Qeyd edək ki, “Neftçi” ilə “Aris” arasında ilk oyun iyulun 21-də Limassolda, cavab görüşü isə bir həftə sonra Bakıda keçiriləcək.
Digər xəbərlər
