Modriç bu mükafatı “özəlləşdirib”!

Xorvatiyada 2021/22 mövsümünün ən yaxşı futbolçusu müəyyənləşib.

Bu nominasiyanın qalibi Luka Modriç olub. O, Xorvatiya çempionatında çıxış edən oyunçular və yerli məşqçilər arasında keçirilən ənənəvi sorğuda hamını qabaqlayıb. Modriçin 2013-cü ildə təsis edilən “Trofey Noqometaş” mükafatını ardıcıl 10-cu dəfə qazandığını xüsusi qeyd edək. Başqa sözlə, bu mükafat indiyədək yalnız 36 yaşlı Lukaya qismət olub!

O, ötən mövsüm “Real”la İspaniya çempionatında, ölkə superkubokunda və Çempionlar Liqasında qalib gəlib.