Oyundaşları De Xeanı seçdilər

“Mançester Yunayted”də 2021/22 mövsümünü ən yaxşı oyunçusu müəyyənləşib.

Bu nominasiyanın qalibi komandanın oyunçuları arasında keçirilən səsvermənin nəticəsinə əsasən qapıçı David De Xea olub. O, ötən mövsüm 7 dəfə matçın ən yaxşı futbolçusu seçilib. Qeyd edək ki, yalnız Kriştiano Ronaldo eyni sayda nominasiyanın qalibi olub. De Xea ardıcıl üç ay – ötən ilin noyabr, dekabr və yanvar aylarında “Yunayted”in ən yaxşı oyunçusu seçilib. Və ən əsası, ispaniyalı əlcək sahibi klubunda 4-cü dəfə mövsümün ən yaxşı oyunçusu seçilib. David bu göstəriciyə əsasən komandanın rekordçusu olub.

Əlavə edə ki, son mövsüm üçün azarkeşlər arasında keçirilən sorğuda Ronaldo qalib gəlmişdi.