Millətlər Liqasında keçirilən İngiltərə - Macarıstan matçında (0:4) ev sahibləri üçün qeyri-adi fakt qeydə alınıb.

Dörd cavabsız top buraxan britaniyalılar 94 il əvvəlki antirekordun üzüntüsünü yaşayıblar.

İngiltərə yığması 1928-ci ildə evdə Şotlandiyaya da 4 top fərqi (1:5) ilə uduzmuşdu.

Dünən keçirilən macarlarla matçda daha bir arzuolunmaz hal yaşanıb. Vulverhemptondakı “Moline Stedium”da baş tutan oyundan əvvəl yerli azarkeşlərdən bəziləri rəqib komandanın təmsil etdiyi ölkənin dövlət himnini təhqir ediblər. Onlar himn səslənərkən “siz alçaq irqçilərsiz” sözlərini qışqırıblar.

Xatırladaq ki, iyunun 4-də keçirilən Macarıstan - İngiltərə matçında (1:0), həmçinin 2021-ci ilin sentyabrında və oktyabrında baş tutan oyunlarda da müxtəlif xarakterli insidentlər olmuşdu.