"Zirə"nin təcrübəli qolkiperi Anar Nəzirov premyer-liqanın ən yaşlı yerli qapıçısıdı.

Komandasında yetərincə şans qazanmasa da, meydana çıxdığı oyunlarda özünü yaxşı tərəfdən göstərib. Onunla əlaqə saxlamaqda məqsədimiz komandasının ötən mövsümdəki çıxışı, Konfrans Liqasındakı hədəflər və yığmamız ilə bağlı fikirlərini öyrənmək idi.

- Yola saldığımız mövsümü "Zirə" üçün necə qiymətləndirərdin?
- İki “cəbhə”də mübarizə apararaq, çox gərgin mövsüm keçirdik. Çempionatı bürünc medalla başa vurduq. Kubokun finalında oynadıq, yalnız penalti seriyasında üzüldük. Düşünürəm ki, yaxşı mövsüm keçirdik və qarşıya qoyulan hədəfə çataraq Konfrans Liqasına vəsiqəni təmin etdik.

- Mövsüm ərzində oynamaq üçün çox şans qazanmadın. Səbəb nə idi?
- Məşqçimizin seçimiylə bağlı idi. Rəşad müəllim hansı futbolçuya nə vaxt şans verəcəyini yaxşı bilir. Komandadakı qapıçıların hamısı yaxşı formadadı. Hər birimiz "Zirə" üçün əlimizdən gələnin ən yaxşısını etməyə çalışdıq.

- Karyeranı harda davam etdirəcəksən?
- İnşallah, "Zirə"də qalıb daha yaxşı hədəflərə nail olmağı düşünürəm.

- Konfrans Liqasında "qartallar"ın qarşısına hansı hədəflər qoyulub?
- Məşqlərdə və iclaslarda Rəşad Sadıqovun təkrar-təkrar dediyi ifadə var: "Uzaq gördüyünüz hədəflər sizin biraddımlığınızdadı". Onun sözləri bizim üçün motivasiyadı. Konfrans Liqasına vəsiqə qazanmışıqsa, meydanda mübarizə aparıb maksimum irəli getməliyik.

- Rəşad Sadıqovu futbolçu və məşqçi kimi necə xarakterizə edərdin?
- Rəşad Sadıqov Azərbaycan futboluna adını qızıl hərflərlə yazmış biridi. Artıq nəsə deməyə ehtiyac duymuram. Futbolçu kimi meydanda necə tələbkar, mübariz idisə, baş məşqçi kimi 10 qat artıq tələbkar, mübarizdi.

- Yığmamız Millətlər Liqasına yenə uğursuz başladı. Səncə, milli niyə “qara zolaq”dan çıxa bilmir?
- Millinin hazırkı vəziyyəti hamımız üçün faciədi. İllərdi yerimizdə sayırıq. Vaxtilə rahat məğlub etdiyimiz komandalar qarşısında bu gün boyun əyirik. Yığmada ab-hava mütləq dəyişməlidi. Ölkənin əsas komandasının “sükan”ını əcnəbilərə etibar etmək ənənəsinə son qoyulmalıdı. Bu vaxta qədər milliyə əcnəbilər rəhbərlik etdi, nə dəyişdi?! Bu post üçün yetişən kifayət qədər gənc mütəxəssis var. Onlara güvənib, şans vermək vaxtı çoxdan çatıb.

- Təcrübəli futbolçu kimi hansı yerli məşqçini namizəd görərdin?
- Ad çəkməyim düz çıxmaz. Amma yetərincə perspektivli gənc məşqçilər var. Yurçeviçlə De Byazi millinin “sükanı arxasında” komandanı yaşıl meydanlarda fiaskoya uğradıb, güc-bəla 1 xal toplayıb qrupun dibində batırırsa, deməli, onların bacarığı bura qədərdi. Amma gəlin çempionatımıza baxaq. Ayxan Abbasov məşqçilik karyerasında "Zirə" və "Sumqayıt"la qiyəmiqyaslı yarışlarda çıxış etdi. Elmar Baxşıyev maliyyə cəhətdən zəif, heyəti kasad "Qəbələ"dən mübariz komanda formalaşdırıb Konfrans Liqasına vəsiqə qazandı. Həmçinin başqa məşqçilərimiz uğurlarından danışmaq olar. Fakt göz önündədi, əcnəbi məşqçilərin gəlişi ilə futbolumuz tənəzzül edir. Yerli mütəxəssislərin sayəsində zəif də olsa, inkişaf edirik.

- 36 yaşındasan, bundan sonra nə qədər oynamağı düşünürsən?
- Dünya futbolunda yaş söhbəti aradan qalxdığı halda, bizdə hələ də futbolçunun meydanda sərgilədiyi oyunu yox, yaşını qabardırlar. Yaşın 30-u keçən kimi səni futboldan getməyə səsləyirlər. Belələrinə izah etmək olmur ki, sağlamamsa, fiziki və mənəvi hazırlığım yerindədirsə, meydanda mübarizə aparmaq gücüm varsa, niyə futbola əlvida deməliyəm?! Dieqo Lopes, 40 yaşının olmasına rəğmən, La Liqada oynayır və "Espanyol"un əsas qapıçısıdı. "Betis"in “çərçivə”sini 39 yaşlı Klaudio Bravo qoruyur. Həmin futbolçulara "39-40 yaşındasız, niyə hələ də oynayırsız?" demək hansı məntiqə sığır? Elə öz çempionatımızda çıxış edən Asif Məmmədov hamıya nümunə olmalıdı. 36 yaşında olmasına rəğmən, "Qəbələ"nin əsas heyət oyunçusu və düşünən beynidi. Yaşından asılı olmayaraq, futbolçu gücü, sağlamlığı imkan verdiyi qədər oynamalıdı. Əslində yaşlı futbolçunun meydanda özünü yaxşı tərəfdən göstərməsində klub rəhbərliyinin, məşqçilərin, tibbi personalın, psixoloqun və başqa şəxslərin də rolu var. Yaşlı futbolçu onlardan lazımi qayğı görürsə, bu onun oynaması üçün ayrıca motivasiyadı. Hazırda özümü yaxşı formada hiss edirəm. İnşallah, gücüm çatan qədər oynamağı düşünürəm.

ABDULLA İSMAYILOĞLU

Son xəbərlər

PSV-nin futbolçusu premyer-liqa klubunun hədəfində

MY Kasemiro transferini açıqladı

Beyli "Marsel" yolunda

"Vilyarreal"da ayrılıq

"Fiorentina"da yeni müqavilə

Tuxel və Kontenin cəzaları müəyyənləşdi

"İnter" PSJ-nin təklifini rədd etdi

"Brayton"da yeni müqavilə

MY Antoni transferində israrlıdı

Ndombelenin yeni klubu müəyyənləşdi

Autsayderlərin matçında iki qol - VİDEO

"Komanda olaraq oyundan-oyuna artıracağıq" - Vüqar Əsgərli

"Daha yaxşı nəticə əldə edə bilərdik" - Mahmud Qurbanov

"Kəpəz"in iki futbolçusu "Qəbələ" ilə görüşü buraxacaq

"Çelsi" Obameyanqa təklif göndərəcək

Şamaxıda bərabərlik - YENİLƏNİB

Yamayka millisinin forvardı "Qalatasaray"a keçə bilər

"Viktoriya" - "Qarabağ" matçına əlavə biletlər satışa çıxarıldı

19 yaşlı müdafiəçi rəsmən "Çelsi"də

"Qarabağ"in Çexiyaya səfər tarixi açıqlandı

Mayk Tayson əlil arabasında - FOTOLAR

"Pis dönəmlər keçirdim, ancaq vəziyyətdən çıxa bildim" - Suares

Daha 1 il "Bavariya"da qala bilər

İki idmançımız Avropa çempionatının finalında

Ançelotti Kazemironun "Mançester Yunayted"ə keçidini istəmir

Ronaldo ten Haqın işindən narazıdı

"Barselona" "Vilyareal"ın futbolçusu ilə razılaşdı

"Bu nəticə bizə revanş üçün əla şans verir" - "Viktoriya"nın futbolçusu

“Xocalı”nın direktoru valideyndən 3000 manat tələb edir

Medianın İnkişafı Agentliyi media subyektlərinə müraciət etdi

"Real"ın futbolçusu "Mançester Yunayted"də

Millimizin üzvü "Neftçi"də

Daha bir klub Ronaldonu istəmədi

Premyer-liqada 3-cü turun təyinatları açıqlandı

Patrik Andrade "Partizan"da ilk qolunu vurdu

PSJ Neymar və Mbappeyə xəbərdarlıq etdi

Bu divizion klubunun ev oyunlarına giriş pullu olacaq

AFFA Region Liqası klubları üçün tender elan etdi

Millimizin sabiq üzvü Almaniya klubunda

“Atletiko”nun mövsümöncəsi toplanışı cəhənnəm əzabıdı

Ronaldo artıq Ten Haqı da bezdirib

Mendinin qeyri-adi seks macəraları

İtaliyadan İngiltərəyə yollandı

Ramos Mbappe ilə Neymarı barışdırdı

Tribunalar doldu-daşdı, qələbə bizdən uzaq qaçdı - YAZI

Bütün xəbərlər