“Zirə” səfərdə son dəqiqə qolu ilə “Sumqayıt”ı məğlub etdi.

Təbii ki, komanda üzvlərinin sevincinin həddi-hüdudu yox idi. Hətta şadyanalıq o həddə çatdı ki, Anar Nəzirov komanda yoldaşı Nemanya Andelkoviçi zədələdi. Halbuki müdafiəçi təzəlikcə yaşıl meydanlara dönüb. Başverənlərə aydınlıq gətirmək üçün Nəzirovla əlaqə saxladıq:

“İnanırsız, sevincimizdən uçurduq. Həm son dəqiqədə vacib qol vurduq, həm də Davit uzun müddət idi fərqlənmirdi. Bayram bayrama qarışdı. Bu da hamının sevincinə səbəb oldu. Nemanya da kiçik zədə aldı. Təbii ki, bunun olmasını istəməzdim. Amma şükür Allaha, hər şey yaxşıdı. Məşqlərdə iştirak edir. Növbəti oyunda meydanda ola biləcək. Sadəcə, media bu hadisəni çox şişirtdi. Sevincimizi bölüşəndə kiçik problem yaşandı”.
[quote][/quote]
İLKİN SULTANLI