"Mançester Yunayted"də 2021/2022 mövsümünün ən yaxşı futbolçusu müəyyənləşib.

"Football-plus.az" klubun mətbuat xidmətinə istinadən xəbər verir ki, Kriştiano Ronaldo azarkeşlərin səsverməsi ilə mövsümün ən yaxşı oyunçusu seçilib. Portuqaliyalı hücumçu "Mett Basbi" mükafatına sahib çıxıb. Ronaldo 4-cü dəfə bu mükafatı almaqla, komandanın ispaniyalı qolkiperi David De Xeaya çatmış olub.

Portuqaliya millisinin üzvü daha əvvəl 2003/04, 2006/07, 2007/08 mövsümlərində Mançester təmsilçisində ilin ən yaxşı futbolçusu mükafatına layiq görülmüşdü.

Qeyd edək ki, 37 yaşlı ulduz oyunçu geridə qalan mövsümdə "qırmızı şeytanlar"ın heyətində bütün turnirlər nəzərə alınmaqla 38 oyunda iştirak edib. O, bu matçlarda 24 qol vurub, 3 məhsuldar ötürmə edib.