2021/22 mövümünü “qızıl dubl”la başa vuran “Qarabağ” heyətini gücləndirmək üçün çalışmalara başlayıb.

Əsas hədəfi yenidən ÇL-in qrupuna vəsiqə qazanmaq olan Ağdam təmsilçisi millimizin hücumçusunun xidmətində maraqlıdı. Etibarlı mənbədən aldığımız bilgiyə görə, söhbət ötən mövsümü icarə əsasında “Tondela”da keçirərək Portuqaliya kubokunun finalında mübarizə aparan Renat Dadaşovdan gedir.
Müqavilə ilə məxsus olduğu “Vulverhempton”a qayıdan futbolçu ilə danışıqların yığmanın Millətlər Liqasındakı oyunlarından sonra aparılacağı gözlənilir. “Qarabağ” Dadaşovu icarə əsasında heyətinə qataraq az şans qazanan Rüstəm Əhmədzadəni premyer-liqa klublarından birinə icarəyə göndərmək niyyətindədi.

SƏNƏM FƏRHADOVA